Радиотерапијата е столб на модерниот онколошки третман – и секоја година бара нови знаења, технологии и посветеност од стручњаците. За таа цел постои SEETRO (South and Eastern Europe Technology in Radiotherapy Organisation), регионален конгрес посветен исклучиво на радиотерапијата и на радиолошките технолози кои секојдневно стојат во првата линија на борбата со онколошките заболувања.
Историја на SEETRO – каде се одржувало?
Идејата за SEETRO започна со потребата да се обедини регионот на Југоисточна и Источна Европа преку едукација, размена на искуства и заеднички чекори напред. Првиот конгрес беше одржан во Србија во 2013 година, а во следните години домаќини беа:
2015 – Хрватска
2017 – Бугарија
2019 – Словенија
2022 – Македонија
2023 – Босна и Херцеговина
Секоја од овие земји придонесува за развојот на регионалната соработка, споделување на знаења и унапредување на радиотерапевтската пракса.
SEETRO 2025 – Истанбул како следна станица

Следниот конгрес – SEETRO 2025 – ќе се одржи во Истанбул, Турција, еден од најголемите и најдинамични градови во регионот. Турција е важен член на SEETRO и клучен играч во развојот на радиотерапијата во Југоисточна Европа, па изборот на Истанбул е логичен и стратегиски.
Денес SEETRO ги обединува: Република Македонија, Србија, Хрватска, Словенија, Босна и Херцеговина, Турција и Бугарија.
Од оваа година, Црна Гора и Романија официјално се приклучуваат како нови членки – чекор што уште повеќе ја зајакнува заедничката визија за развој.
Меѓународна поддршка
Силата на SEETRO не е само во бројот на учесници, туку и во соработките. На настаните редовно учествуваат професори и експерти од IAEA (Меѓународна агенција за атомска енергија). Kонгресот е поддржан и од престижната европска организација: ESTRO (European Society for Radiotherapy and Oncology).
Настанот е во тридневна програма обезбедува интегрален пристап: од теорија и образовни реформи, преку научни откритија, до практична примена и работа во тимови, што го прави SEETRO 2025 уникатен настан за професионалците во радиотерапијата.
Првиот ден е посветен на едукација и реформи во образованието на радиолошките технолози, со цел да се споделат најновите методологии и стандарди за обука.
Вториот ден е резервиран за научни студии, каде што учесниците ќе имаат можност да ги презентираат и дискутираат најновите истражувања и резултати од областа на радиотерапијата.
Третиот ден е работилница, практична сесија за размена на искуства, техники и иновативни решенија што можат да се применат во секојдневната работа.
Зошто е важно?
SEETRO е повеќе од конгрес – тоа е заедница, простор за нови партнерства и инспирација за идните генерации на радиолошки технолози. Секоја средба носи нови идеи, нови стандарди и заеднички решенија што директно придонесуваат кон подобрување на квалитетот на грижата за пациентите.
Со Истанбул 2025, SEETRO ја продолжува својата мисија: да ја направи радиотерапијата посилна, посовремена и поблиску до луѓето што најмногу имаат потреба од неа.